Mae ThCIC / Theatr Genedlaethol Cymru a Fio wedi ymuno â’i gilydd eleni i gyflwyno cynhyrchiad llwyfan newydd sbon gan ddau o ddramodwyr mwyaf ffres a chyffrous Cymru.

Mae  Dal Gafael / Hold On gan Steven Kavuma a Mared Llywelyn yn cynhyrchiad dwyieithog gafaelgar, sy’n tystio i alwad person ifanc am well dyfodol gaiff ei lunio gan linach eu gorffennol. 

Ymunwch â chast o 24 – yn cynnwys rhai o berfformwyr ifanc mwyaf talentog Cymru rhwng 16-22 oed ac wedi’i gyfarwyddo gan Dr Sita Thomas o Fio – ar gyfer stori dyner ac ingol am gyfiawnder hinsawdd a chwestiynu hunaniaeth.