Arddangosfeydd

AR Y FFRÂM : Cŵn Arnofiol

Katie Ellidge

21/01/2026 - 13/04/2026

Mae braslunio’n chwarae rôl hanfodol yn fy ymarfer, gan fy ngalluogi i gofnodi eiliadau byrhoedlog a chyfarfyddiadau ag anifeiliaid, gan ddal hanfod y creaduriaid hyn fel man cychwyn i’m proses greadigol. Rwyf wastad wedi fy swyno gan anifeiliaid—eu ffurfiau, eu natur wyllt a’u hymddygiadau—yn ogystal â’n dibyniaeth emosiynol gymhleth arnynt. Yn ein cwmnïaeth ag anifeiliaid, yn enwedig cŵn, rydym yn ymgysuro yn eu presenoldeb drwy eu cysur, eu ffyddlondeb a’u hymroddiad tuag atom. Eto, yn ddirgel, mae ganddynt ddylanwad cryf drosom; gallant lunio ein gweithredoedd yn hawdd, ac yn aml gall ein byd droi o’u cwmpas.

Ynghyd â’m hymarfer stiwdio, mae gennyf ddiddordeb yn y ffordd y mae creu ac archwilio celf, ynghyd â chyfarfyddiadau ag anifeiliaid a natur, yn chwarae rôl hollbwysig wrth gefnogi ein hiechyd meddwl a’n llesiant.

SAFLE CELF: Effaith: Arddangosfa Deithiol Genedlaethol Celfyddydau Anabledd Cymru (2025-26)

Celfyddydau Anabledd Cymru

06/02/2026 – 12/04/2026

Mae Effaith yn arddangosfa sy'n dangos safbwyntiau pobl anabl ar un o faterion mwyaf brys ein hoes: yr argyfwng hinsawdd. Yn dilyn galwad agored, detholwyd artistiaid anabl, b/Byddar a niwrwahanol i ymateb i themâu natur, tirwedd a chyfiawnder hinsawdd o safbwynt anabledd. Bydd yr arddangosfa hefyd yn arddangos dau gomisiwn a grëwyd ar gyfer prosiect Effaith Celfyddydau Anabledd Cymru, un mewn partneriaeth ag Amgueddfa Cymru ac un mewn partneriaeth â Chorsydd Calon Môn.

O Chwefror 2026 i Fawrth 2027, bydd arddangosfa Effaith yn teithio ledled Cymru i bum oriel Cymraeg mwyaf blaenllaw: Galeri, Caernarfon; Tŷ Pawb, Wrecsam; g39 Caerdydd; Glan yr Afon, Casnewydd; a Chanolfan y Celfyddydau, Aberystwyth.

Y WAL: Merched y Mabinogi

Bethan Lowri Hughes

05/02/2026 - 13/04/2026

Mae’r gwaith hwn yn ymateb i’r themâu cryf o wrageddgas sydd i’w gael yn chwedlau'r Mabinogi. Canolbwynt ymarfer yr artist yw pum menyw o’r chwedlau, sef Mabinogi sef Blodeuwedd, Branwen, Rhiannon, Luned, ac Enid. Drwy ei chelf, mae hi’n dod a’r merched at ei gilydd i bortreadu eu cryfder a’u hunaniaeth, a rhoi’r rhyddid iddynt sefyll yn annibynnol.

Fel rhan o’r arddangosfa, mae pum darn cerameg a macramé i gynrychioli’r menywod, ynghyd â swyn bethau 3D wedi’u hysbrydoli gan arteffactau Cymreig. Mae’r brif ddelwedd yn bortreadau cobalt glas o’r artist yn ymgorffori pob un o’r menywod wedi eu creu drwy argraffu sgrin silc ar borslen.

ORIEL CAFFI | Glo

Paul Rickard

14/01/2026 – 13/04/2026

Mae cloddio glo wedi gadael ôl ddofn ar Gymru, ac mae’r printiau monochrom hyn yn archwilio’r effaith gymdeithasol, economaidd ac amgylcheddol barhaus, gan gyfeirio at fywyd y glowyr, eu teuluoedd a’r streiciau mawr yn 1926 ac 1984. Wedi’u hysbrydoli gan farddoniaeth Idris Davies a dylanwadau celf graffig canol yr 20fed ganrif a’r mudiad Japaneaidd Sōsaku hanga, maent yn defnyddio inciau cartref wedi’u creu o anthracit a glo stêm Cymreig, gan adlewyrchu natur dywyll a symbolaidd y diwydiant ei hun.

CEI LLECHI | Hiraeth

Marged Owain

Rhagfyr - Mawrth

Mae’r gyfres hon yn ail-ddychmygu gwerthoedd crefft draddodiadol drwy arteffactau newydd sy’n archwilio naratif a hanes. Y cylchoedd consentrig sy’n seiliedig ar waith turnio a cherfiadau Dyffryn Ogwen, tra bo’r gwaelodion efydd yn symbol o werth amser wrth ddysgu sgiliau. Mae’r canhwyllau gwydr yn cynrychioli bregusrwydd bywyd, a’r edau Gymreig yn cyfeirio at hyd amrywiol bywydau. Bwriad y gwaith yw coffáu a dathlu ein crefftau, gan werthfawrogi sgiliau a etifeddwyd gan fy nheulu.