Prima+ yw cynllun aelodaeth newydd Galeri, wedi’i greu i roi mwy o fuddion, mwy o arbedion, a mwy o groeso i’n haelodau mwyaf ffyddlon. Am £30 y flwyddyn, cewch fwynhau 10% i ffwrdd yn y caffi, y bar (heb gynnwys alcohol), tocynnau sinema, a digwyddiadau byw lle bo’n gymwys. Chwiliwch am yr arwydd Prima+ wrth ymyl digwyddiadau sy’n cynnig y gostyngiad.

Ar ôl ymuno, bydd aelodau’n derbyn pecyn aelodaeth sy’n cynnwys eich cerdyn Prima+. Bydd angen y cerdyn wrth archebu’n bersonol yn y caffi, y bar neu yn y dderbynfa - gyda’r system yn cysylltu’n awtomatig â’ch cyfrif Ticketsolve.

Os ydych yn archebu tocynnau ar-lein drwy wefan Galeri, bydd y gostyngiad yn cael ei gymhwyso’n awtomatig unwaith y byddwch wedi mewngofnodi i’ch cyfrif.

Trefnir y taliad drwy ddebyd uniongyrchol, gan adnewyddu’r aelodaeth yn awtomatig bob 12 mis.

1. Cyffredinol

1. Mae Prima+ yn gynllun aelodaeth blynyddol a gynigir gan Galeri.
   
2. Trwy ymuno â’r cynllun, rydych yn cytuno i’r telerau ac amodau hyn.
   
3. Gall Galeri ddiweddaru neu addasu’r telerau hyn o dro i dro; bydd unrhyw newidiadau’n cael eu cyhoeddi ar ebost ac ar wefan Galeri.
   

2. Cost ac adnewyddu

1. Pris yr aelodaeth yw £30 y flwyddyn.
   
2. Trefnir taliadau drwy ddebyd uniongyrchol.
   
3. Bydd yr aelodaeth yn adnewyddu’n awtomatig bob 12 mis.
   
4. Os bydd taliad yn cael ei wrthod neu’n methu, caiff yr aelodaeth ei chanslo’n awtomatig a bydd buddion y cynllun yn dod i ben.
   
5. Nid oes ad-daliadau ar gael ar ôl prosesu’r taliad.

3. Buddion

1. Mae aelodau Prima+ yn derbyn 10% i ffwrdd yn y caffi, y bar (heb alcohol), y sinema a digwyddiadau byw lle bo’n gymwys.
   
2. Nid yw’r gostyngiad yn berthnasol i alcohol, tecstilau, nwyddau manwerthu na gwasanaethau eraill o fewn y cwmni.
   
3. Gall argaeledd y gostyngiad amrywio rhwng digwyddiadau; chwiliwch am yr arwydd Prima+ wrth ymyl digwyddiadau cymwys.
   
4. Ni ellir cyfuno’r gostyngiad â chynigion eraill.
   
5. Rhaid dangos neu sganio’r cerdyn Prima+ i gael y gostyngiad wrth archebu wyneb yn wyneb.
   

4. Cofrestru a dilysu aelodaeth

1. Rhaid cofrestru drwy wefan Galeri neu trwy gysylltu â’r dderbynfa.
   
2. Wrth archebu ar-lein, caiff y buddion eu cymhwyso’n awtomatig pan fydd yr aelod wedi mewngofnodi i’w gyfrif Ticketsolve.
   
3. Wrth archebu mewn person, rhaid cyflwyno’r cerdyn aelodaeth ar y pryd. Os na fydd y cerdyn ar gael, efallai na fydd y gostyngiad yn cael ei gymhwyso.
   

5. Pecyn Aelodaeth a cherdyn

1. Bydd aelodau’n derbyn pecyn aelodaeth sy’n cynnwys cerdyn Prima+.
   
2. Os caiff y cerdyn ei golli, mae ffi gweinyddu o £2.50 am gerdyn newydd.
   
3. Mae’r cerdyn yn anghyfrannadwy ac yn ddilys ar gyfer y deiliad cofrestredig yn unig.
   

6. Terfynu neu atal aelodaeth

1. Gall aelodau ofyn i derfynu eu haelodaeth ond nid oes ad-daliad ar ôl talu.
   
2. Gall Galeri atal neu derfynu aelodaeth os ceir camddefnydd o’r cerdyn, y gostyngiadau neu’r system archebu.
   

7. Data personol

1. Caiff data personol ei brosesu yn unol â pholisi preifatrwydd Galeri.
   
2. Caiff manylion aelodaeth eu storio’n ddiogel drwy system Ticketsolve.
   
3. Trwy ymuno â Prima+, rydych yn cytuno y caiff eich manylion cyswllt eu hychwanegu at restr ebyst Prima+. Defnyddir y rhestr hon i anfon diweddariadau perthnasol am y cynllun, newidiadau i delerau’r aelodaeth, a gwybodaeth sy’n gysylltiedig â buddion y cynllun yn unig.
   
4. Ni chaiff eich manylion eu rhannu ag unrhyw drydydd parti at ddibenion marchnata, ac mae gennych hawl i ddad-danysgrifio o’r rhestr ebyst ar unrhyw adeg.
   

8. Cysylltu

Ar gyfer ymholiadau ynghylch Prima+, cysylltwch â’n derbynfa neu ewch i galericaernarfon.com.