Cyfle i redeg Café Bar Galeri
Profiad o weithredu busnes arlwyo yn llwyddiannus?
Mae gennym gyfle busnes unigryw yma yn Galeri…
Rydym yn awyddus i ddarparu cyfle i gwmni/unigolyn/grwp o unigolion redeg cynnig a gwasanaeth Café Bar Galeri drwy drwydded.
Yn rhan ganolog o adeilad a bwrlwm Galeri, mae’r Café Bar yn cynnig gwasanaeth bwyd/diod i groesdoriad o gwsmeriaid gan gynnwys:
- Defnyddwyr rheolaidd y Café Bar
- Dros 50 o staff yn yr adeilad yn ddyddiol (Llun-Gwener)
- Cynulleidfaoedd sinema a digwyddiadau
- Unigolion/grwpiau sydd yn mynychu cyfarfod, cynhadledd, gwersi neu ymarferion
- Ymwelwyr sydd yn cerdded heibio’r adeilad (Llwybr Arfordir Cymru neu am apwyntiad meddygol ayb)
Dyma felly gynnig, dros gyfnod cytundeb 5 mlynedd (fel man cychwyn) ein:
- Cegin / offer cegin
- Gofod gweini dros 200m2 a’r holl ddodrefn
- Storfa a Seler
- Holl offer blaen tŷ (e.e peiriant coffi / system EPOS, oergelloedd ayb)
Mae cyfle gwirioneddol yma i wneud y mwyaf o’r lleoliad, y cwsmeriaid sydd gan Galeri yn barod ac i adeiladu ar y ddarpariaeth â’r potensial di-ddiwedd sydd ar gael drwy redeg y gwasanaeth Café Bar yn Galeri.
Yn hanesyddol, mae Galeri wedi bod yn croesawu dros 250,000 drwy’r drysau yn flynyddol.
Diddordeb?
Os oes gennych ddiddordeb – dyddiad cau ar gyfer datgan eich diddordeb: 12:00 (hanner dydd) - dydd Gwener, 31.03.23.
Mae croeso i chi ebostio trwyddedu@galericaernarfon.com ac fe wnawn gysylltu am sgwrs i drafod y cynnig ymhellach. Gallwn hefyd drefnu ymweliad a sgwrs mewn person yn Galeri drwy drefniant.
Y camau yn y broses fydd:
- Datgan diddordeb yn swyddogol
- Cyflwyno cynllun busnes manwl
- Cyfweliadau a phenderfynu ar y cais llwyddiannus
- Cwblhau'r dogfennau cyfreithiol
- Trwydded newydd yn weithredol